តម្លៃទុរេនពូជម៉ាន់ថង និង Ri6 រក្សាបានស្ថិរភាពល្អ នៅតំបន់ទន្លេមេគង្គ និងតំបន់ខ្ពង់រាបកណ្ដាល ដែលជាតំបន់ដាំដុះទុរេនធំជាងគេបំផុតទាំងពីររបស់ប្រទេសវៀតណាម ។
ទុរេនពូជ Ri6 លេខ១ លក់បានមួយគីឡូក្រាមមាន ១សែន ៦ម៉ឺនដុង ឬ ៦,៣ដុល្លារអាមេរិក នៅក្នុងតំបន់ទាំងពីរ ។ នេះបើតាមការចុះផ្សាយរបស់សារព័ត៌មានវៀតណាម ។
ចំណែកឯតម្លៃទុរេនម៉ាន់ថងវិញ គឺលក់បានមួយគីឡូ ១សែន ៧ម៉ឺន ៥ពាន់ដុង ឬស្មើនឹង ៦,៨៩ដុល្លារ នៅក្នុងតំបន់ទាំងពីរ ។
ចំពោះតម្លៃនាំចេញវិញ សម្រាប់ទុរេនទាំងពីរប្រភេទនេះ តម្លៃមិនមានអ្វីផ្លាស់ប្ដូរច្រើនទេ ពោលគឺ ទុរេន Ri6 តម្លៃនាំចេញ គឺ ៥,៩៨ដុល្លារក្នុងមួយគីឡូ រីឯទុរេនម៉ាន់ថងវិញ តម្លៃនាំចេញ គឺ ៧ដុល្លារក្នុងមួយគីឡូ ។
តម្លៃទុរេននៅវៀតណាមហាក់មានស្ថិរភាពល្អ ពោលគឺមានតម្លៃខ្ពស់ ។ តម្លៃខាងលើនេះ គឺជាតម្លៃគិតនៅថ្ងៃទី៧ ខែវិច្ឆិកា តម្លៃជាក់ស្ដែងអាចនឹងមានការប្រែប្រួលឡើងចុះខុសពីតម្លៃខាងលើ ៕
